തിരുവനന്തപുരം: സംസ്ഥാനത്ത് വെള്ളിയാഴ്ച രാത്രിയും വൈദ്യുതി നിയന്ത്രണം ഉണ്ടാകുമെന്ന് കെഎസ്ഇബി. പവര് എക്സ്ചേഞ്ച് മാർക്കറ്റിൽ നിന്ന് വൈദ്യുതി ലഭിക്കുന്നത് കുറഞ്ഞതും വൈദ്യുതി ആവശ്യകതയില് വൻ വര്ധനവുണ്ടായതുമാണ് നിയന്ത്രണത്തിന് കാരണം.
രാത്രി ഏഴു മുതൽ 11 വരെയുള്ള സമയത്താകും നിയന്ത്രണം. ഈ സമയങ്ങളിൽ ഉപഭോഗം കുറയ്ക്കണമെന്നും കെഎസ്ഇബി അഭ്യർത്ഥിച്ചു. വരും ദിവസങ്ങളില് നിയന്ത്രണം വേണ്ടി വന്നേക്കുമെന്ന് കെഎസ്ഇബി മുൻപ് സൂചന നൽകിയിരുന്നു. ജാര്ഖണ്ഡിലെ മൈത്തോണ് താപനിലയത്തിലെ ജനറേറ്റര് തകരാര് കാരണമാണ് വൈദ്യുതി ലഭിക്കാതിരുന്നത്. താത്കാലികാടിസ്ഥാനത്തില് പവര് എക്സ്ചേഞ്ചില് നിന്ന് വൈദ്യുതി വാങ്ങാന് ശ്രമിച്ചെങ്കിലും ലഭിച്ചിരുന്നില്ല.